Испания терма жамоаси бош мураббийи Луис де ла Фуэнте Жаҳон чемпионати финали арафасида Аргентина терма жамоасининг савияси ҳақида фикр билдирди.
«Қойил қолиш, қойил қолиш ва яна бир бор қойил қолиш. Аргентина терма жамоаси катта ҳурматга лойиқ. Уларда ажойиб футболчилар бор, улар ажойиб футбол ўйнашади. Ҳар бир жамоа ўз кучли томонларига таянади, аммо бу фақат футбол доирасида бўлади. Бу футбол ўйини ва ким рақибга ўз ўйинини сингдира олса, ғалаба қозониш эҳтимоли кўпроқ.
Бизга қарши амалдаги жаҳон чемпиони, икки карра Америка Кубоги ғолиби, Финалиссиманинг сўнгги ғолиби ва Жаҳон чемпионати финалисти майдонга тушади. Тарихда ҳеч ким бундай ютуқларга эришмаган. Бундан ташқари, бу жамоани менинг дўстим Лионель Скалони бошқармоқда», — деди де ла Фуэнте матбуот анжуманида.
