Ҳужумчи Маркус Рэшфорд катта эҳтимол билан «Манчестер Юнайтед»да қолади.

Инсайдер Фабрицио Романонинг маълумотларига кўра, «қизил иблислар» бош мураббийи Майкл Кэррик янги мавсумда форвардга умид боғламоқда. У футболчининг клубда қолишини истайди. Шу билан бирга, Рэшфорднинг «Манчестер Юнайтед»дан кетиши ҳали ҳам истисно қилинмайди, аммо бу фақат Европанинг топ-клубига ўтиш орқалигина амалга ошиши мумкин.

Маркус Рэшфорд «Манчестер Юнайтед» тарбияланувчиси ҳисобланади. Унинг «қизил иблислар» билан тузган шартномаси 2028 йилнинг 30 июнига қадар мўлжалланган. Ўтган мавсумда ҳужумчи «Барселона» сафида ижара асосида тўп сурган ва барча турнирларда 49 та ўйин ўтказиб, 14 та гол урган ҳамда 14 та голли узатмани амалга оширган.