«Челси» ҳужумчиси Жоао Педро бу ёз «Барселона»га ўтмайди.

Инсайдер Фабрицио Романонинг маълумотларига кўра, бразилиялик форвард каталонияликлар клубининг режаларига кирмайди. Ҳатто «кўк-анорранглилар» «Атлетико»дан Хулиан Альваресни трансфер қила олмаган тақдирда ҳам, бу ўтиш амалга ошмайди. Бундан ташқари, «Челси» ёзги трансферлар ойнасида ўз футболчисини сотишни режалаштирмаяпти — бундай вариант нореал деб баҳоланмоқда.

Жоао Педро 2025 йилда «Брайтон»дан 63 миллион евро эвазига «Челси»га ўтган эди. Унинг Лондон клуби билан тузган шартномаси 2033 йилнинг 30 июнига қадар мўлжалланган. 2025/26 йилги мавсумда ҳужумчи «кўклар» сафида барча турнирларда 53 та ўйин ўтказиб, 23 та гол урди ва 9 та голли узатмани амалга оширди.