«Тоттенхэм» «Манчестер Сити» вингери Савиньо билан шартнома имзолашга яқинлашди. Бу ҳақда Daily Mail нашри хабар бермоқда.

Манбага кўра, 22 ёшли футболчининг трансфер суммаси 75 миллион еврони ташкил этади. Савиньо бироз аввалроқ ижтимоий тармоқларда чамадон суратини жойлаштириб, «кўнгил очишга отланаётгани» ҳақида изоҳ қолдирган ва янги жамоага ўтиши мумкинлиги ҳақидаги миш-мишларни кучайтирган эди.

Ўтган мавсумда бразилиялик футболчи паст натижа қайд этди: у барча клуб турнирларида 36 та ўйинда иштирок этиб, 4 та гол урди ва 3 та голли узатмани амалга оширди. У соғлиғи билан боғлиқ муаммолар туфайли ўнга яқин ўйинни ўтказиб юборган эди.

Таъкидлаш жоизки, «Тоттенхэм» ёзги трансферлар учун аллақачон 230 миллион евро атрофида маблағ сарфлаб бўлди.