Англия терма жамоаси Жаҳон чемпионатидаги саккизинчи ўйинини ўтказмоқда, улар францияликларга қарши 3-ўрин учун кураш олиб боришяпти. Маълум бўлишича, бутун турнир давомида Англия терма жамоаси «Манчестер Юнайтед» ўйинчилари хизматидан бирор марта ҳам фойдаланмаган.
Бундай ҳолат 1958 йилдан бери кузатилмаган эди — ўшанда клуб февраль ойида Мюнхендаги авиаҳалокат туфайли энг яхши ўйинчиларидан айрилганди. Ўшанда инглизлар Швецияда бўлиб ўтган Жаҳон чемпионатига «Манчестер Юнайтед» футболчиларисиз боришга мажбур бўлган эдилар. Шундан буён ҳозирги якунланиб бораётган чемпионатга қадар бундай ҳолат такрорланмаганди.
Эслатиб ўтамиз, Жаҳон чемпионатининг финал учрашуви 19 июль оқшомида бўлиб ўтади.
