Англия терма жамоаси футболчиси Букайо Сака ЖЧ-2026 доирасидаги 3-ўрин учун кечган баҳсда Франция устидан қозонилган ғалабадан сўнг ўз фикрларини билдирди.
"Ярим финалдаги мағлубият оғриғини ҳеч нарса боса олади деб ўйламайман. Ростини айтсам, бу жуда оғриқли эди. Аммо бугун профессионалликни сақлаб қолиш ва айтганимдек, турнирни муносиб якунлаш муҳим эди. Бу жамоа бирдам. Бизда тўғри менталитет бор ва бу биз учун ҳеч қачон муаммо бўлмаган. Биз буни бугун исботладик, шунинг учун бундай натижага эришганимиз билан фахрланишимиз мумкин. Ўйлайманки, навбатдаги йирик турнир арафасида ўтмишга назар ташлар эканмиз, бу биз учун рағбат бўлади. Биз бутун мамлакатга бундан-да каттароқ натижаларга қодир эканимизни кўрсатиб қўйдик деб ўйлайман. Бу ишонч бизни тарк этгани йўқ: биз якуний мақсадга эришишга уриниб кўриш учун навбатдаги турнирга янада кучли бўлиб қайтамиз", — дея Саканинг сўзларини келтиради tuttomercatoweb.com.
