Франция терма жамоаси жаҳон чемпионати ярим финалида Испанияга қарши ёмон ўйин кўрсатди ва 0:2 ҳисобида ҳақли равишда мағлубиятга учради. Ўйиндан сўнг баъзи экспертлар Дидье Дешам Орельен Тчуаменини асосий таркибга қайтариб, хато қилганини таъкидлашган эди. «Реал» ярим ҳимоячисининг ўзи мураббийнинг қарорига баҳо беришни истамади.
«Мураббий мени Испанияга қарши асосий таркибда майдонга тушириши керакмиди? Биз бундай нарсаларни муҳокама қилмаймиз. Ҳар ким ўз ихтиёрида бўлган маълумотларга асосланиб, хоҳлаганини ўйлашда эркин», — дея Тчуаменининг сўзларини келтиради The Touchline.
Эслатиб ўтамиз, ЖЧ-2026 да учинчи ўрин учун кечган баҳсда Франция Англияга теннис ҳисобида — 4:6 ҳисобида имкониятни бой берди.
