«Интер» ҳужумчиси Лаутаро Мартинеснинг отаси ўғлининг келажаги борасида ўз фикрларини билдириб ўтди.

«Ўғлим бутун қалбини «Интер»га бағишлаган. «Интер» мухлислари ҳам унга ўз меҳрларини беришди. У бу клубга жуда кўп нарса берди. Унинг «Интер» билан ришталари жуда мустаҳкам», — деди форварднинг отаси.

Лаутаро Мартинес 2018 йилда «Расинг»дан 25 миллион евро эвазига «Интер»га ўтган эди. Унинг Милан клуби билан амалдаги шартномаси 2029 йилнинг 30 июнига қадар мўлжалланган. 2025/26 йилги мавсумда ҳужумчи клуб миқёсида барча турнирларда 41 та ўйин ўтказиб, 22 та гол ва 6 та голли узатмага муаллифлик қилди. Transfermarkt портали Мартинеснинг трансфер қийматини 85 миллион еврога баҳоламоқда.