«Inter» hujumchisi Lautaro Martinesning otasi o‘g‘lining kelajagi borasida o‘z fikrlarini bildirib o‘tdi.
«O‘g‘lim butun qalbini «Inter»ga bag‘ishlagan. «Inter» muxlislari ham unga o‘z mehrlarini berishdi. U bu klubga juda ko‘p narsa berdi. Uning «Inter» bilan rishtalari juda mustahkam», — dedi forvardning otasi.
Lautaro Martines 2018 yilda «Rasing»dan 25 million yevro evaziga «Inter»ga o‘tgan edi. Uning Milan klubi bilan amaldagi shartnomasi 2029 yilning 30 iyuniga qadar mo‘ljallangan. 2025/26 yilgi mavsumda hujumchi klub miqyosida barcha turnirlarda 41 ta o‘yin o‘tkazib, 22 ta gol va 6 ta golli uzatmaga mualliflik qildi. Transfermarkt portali Martinesning transfer qiymatini 85 million yevroga baholamoqda.
