Англия терма жамоаси ярим ҳимоячиси Деклан Райс миллий жамоанинг ЖЧ-2026 даги ўйинига баҳо берди.

«Бу Англиянинг жуда узоқ вақтдан бери энг яхши жамоаси. Бу факт. Буни ҳеч ким биздан тортиб ололмайди. Менимча, жамоа сифатида ўзимиз билан фахрлансак бўлади – гарчи ўша ярим финалда [Аргентина билан 1:2] мағлуб бўлганимиз жуда аламли бўлса-да.

Ярим финал ва чорак финалга чиққанимиздан фахрланишимизни айтишдан чарчадик – якунда биз Англия терма жамоаси билан ғалаба қозонишни хоҳлаймиз. Аммо ушбу турнирда учинчи ўринни эгаллаш – бу ҳақиқий ютуқ. Тўғрисини айтсам, биз мақсадга жуда яқинмиз.

Сўнгги йилларда жамоамизнинг турнирлардан қандай чиқиб кетаётгани ҳақида кўп гапирилди: ярим финаллар, чорак финаллар, финаллар... Менимча, биз олдинга интилишда давом этишимиз керак. Муваффақият ҳақиқатан ҳам яқин деб ҳисоблайман. Ҳаммасини майда деталлар ҳал қилади. Бу футбол: ўша ўйинда айнан нюанслар ва жарима майдончаси ичидаги ўйин туфайли имкониятни бой бердик», – деди Райс.