Angliya terma jamoasi yarim himoyachisi Deklan Rays milliy jamoaning JCH-2026 dagi o‘yiniga baho berdi.

«Bu Angliyaning juda uzoq vaqtdan beri eng yaxshi jamoasi. Bu fakt. Buni hech kim bizdan tortib ololmaydi. Menimcha, jamoa sifatida o‘zimiz bilan faxrlansak bo‘ladi – garchi o‘sha yarim finalda [Argentina bilan 1:2] mag‘lub bo‘lganimiz juda alamli bo‘lsa-da.

Yarim final va chorak finalga chiqqanimizdan faxrlanishimizni aytishdan charchadik – yakunda biz Angliya terma jamoasi bilan g‘alaba qozonishni xohlaymiz. Ammo ushbu turnirda uchinchi o‘rinni egallash – bu haqiqiy yutuq. To‘g‘risini aytsam, biz maqsadga juda yaqinmiz.

So‘nggi yillarda jamoamizning turnirlardan qanday chiqib ketayotgani haqida ko‘p gapirildi: yarim finallar, chorak finallar, finallar... Menimcha, biz oldinga intilishda davom etishimiz kerak. Muvaffaqiyat haqiqatan ham yaqin deb hisoblayman. Hammasini mayda detallar hal qiladi. Bu futbol: o‘sha o‘yinda aynan nyuanslar va jarima maydonchasi ichidagi o‘yin tufayli imkoniyatni boy berdik», – dedi Rays.