Англия терма жамоаси бош мураббийи Томас Тухель Жаҳон чемпионатида Аргентинадан учралган мағлубият ва жамоанинг якуний учинчи ўрини ҳақида фикр билдирди.

«Ишончни йўқотдик деб ўйламайман. Ишончни йўқотдим деб ўйламайман. Аргентинага қарши ўша 30 дақиқада ёки, эҳтимол, иккинчи бўлимнинг 45 дақиқасида биз жуда пассив бўлиб қолган бўлсак-да... Нима бўлишидан қатъи назар, сўнгги 10 дақиқада биз мақсадга яқин эдик. Аммо қарор қабул қилиш – менинг вазифам.

Биз жуда рақобатбардошмиз, шунинг учун учинчи ўрин билан фахрланишга деярли йўл қўймаяпмиз, чунки ўз олдимизга энг юқори мақсадни қўйган эдик.

Биз ўз олдимизга энг катта орзуни қўйгандик ва унга интилдик. Финалга чиқиш ва Жаҳон чемпионатида ғолиб бўлиш истагида жуда амбицияли эдик. Шунинг учун ҳозир жуда оғриқли.

Бундай имкониятни бой берганингда, оғриқ бир муддат сақланиб қолади. Кеча айтганимдек, чандиқ қолади. Юқори даражадаги спорт шундай», – деди Тухель.