Халқаро футбол федерацияси (ФИФА) жаҳон чемпионатининг ижтимоий тармоқдаги саҳифасида Испания ва Аргентина терма жамоалари ўртасидаги финал баҳсини Озодлик ҳайкали фонида туширилган футболчилар суратлари орқали эълон қилди. Фотосуратларда «альбиселесте» сардори Лионель Месси ва «Ла Фурия Роха» вингери Ламин Ямал акс этган.
«Тарих ёзилишини кутмоқда», — дейилади хабарда.
/i/e/a/17844615161083426599.jpg)
Жаҳон чемпионатининг финал учрашуви АҚШнинг Ист-Ратерфорд шаҳридаги (Нью-Йорк атрофидаги ҳудуд) «Метлайф» стадионида бўлиб ўтади. Бош ҳакам сифатида словениялик Славко Винчич ишлайди. Учрашув Тошкент вақти билан соат 00:00 да бошланади.
Ярим финал босқичида Испания терма жамоаси Францияни 2:0 ҳисобида, Аргентина эса Англияни 2:1 ҳисобида мағлубиятга учратган эди.
