Юрген Клопп Германия терма жамоасининг янги бош мураббийига айланади, деб хабар бермоқда Sky Sport журналисти Флориан Плеттенберг.
Томонлар тўлиқ келишувга эришишди, шартнома 2030 йилги Жаҳон чемпионати якунига қадар мўлжалланади.
Германия футбол иттифоқи (DFB) шунингдек, Red Bull компанияси билан 59 ёшли мутахассиснинг компания футбол йўналиши раҳбари лавозимидан кетиши борасида келишиб олди. Шанба куни Клопп қолган деталларни солиштириш ва келишиш учун Нью-Йоркда Red Bull ижрочи директори Оливер Минцлафф билан учрашди.
Якуний келишувларни, жумладан, мураббийнинг тижорат ҳамкорларига тегишли масалаларни Жаҳон чемпионати финалидан сўнг расмийлаштириш режалаштирилган. Клопп жума куни Франкфуртда шартнома имзолаши кутилмоқда. Шу куннинг ўзида DFB тайинловни расман эълон қилиши ва матбуот анжумани ўтказиши керак.
