АҚШ президенти Дональд Трамп Испания ва Аргентина жамоалари ўртасида бўлиб ўтадиган ЖЧ-2026 финали ҳақидаги ўз кутилмалари билан ўртоқлашди.
«Мессига қарши гапириш қийин, деб айтган бўлардим. Мен унинг (Англияга қарши ярим финалдаги — таҳр.) пасини кўрдим — буни балки «ҳал қилувчи пас» дейиш керакдир. Узатма мукаммал эди.
Албатта, бундай тезликда бундай пасларни қабул қилиш учун унинг шерикларига ҳам катта истеъдод керак, аммо узатманинг ўзи жуда аниқ чиқди. Агар паслар учун идеал нуқта мавжуд бўлганида, Месси айнан ўша ерни топган бўларди. Шунингдек, Месси бундан бироз олдин ҳимоячидан қандай қутилганини ҳам кўрдим. Уни жуда қаттиқ қўриқлашаётганди, лекин тўсатдан у тамоман бўш қолди ва тўпни идеал тарзда етказиб берди. Шунинг учун ҳам Мессига қарши гапириш қийин, демоқдаман. У — буюк футболчи», — деди Трамп FOX эфирида.
