AQSH prezidenti Donald Tramp Ispaniya va Argentina jamoalari o‘rtasida bo‘lib o‘tadigan JCH-2026 finali haqidagi o‘z kutilmalari bilan o‘rtoqlashdi.
«Messiga qarshi gapirish qiyin, deb aytgan bo‘lardim. Men uning (Angliyaga qarshi yarim finaldagi — tahr.) pasini ko‘rdim — buni balki «hal qiluvchi pas» deyish kerakdir. Uzatma mukammal edi.
Albatta, bunday tezlikda bunday paslarni qabul qilish uchun uning sheriklariga ham katta iste’dod kerak, ammo uzatmaning o‘zi juda aniq chiqdi. Agar paslar uchun ideal nuqta mavjud bo‘lganida, Messi aynan o‘sha yerni topgan bo‘lardi. Shuningdek, Messi bundan biroz oldin himoyachidan qanday qutilganini ham ko‘rdim. Uni juda qattiq qo‘riqlashayotgandi, lekin to‘satdan u tamoman bo‘sh qoldi va to‘pni ideal tarzda yetkazib berdi. Shuning uchun ham Messiga qarshi gapirish qiyin, demoqdaman. U — buyuk futbolchi», — dedi Tramp FOX efirida.
