Испания терма жамоаси ярим ҳимоячиси Фабиан Руис бир мавсумнинг ўзида ҳам жаҳон чемпионати, ҳам УЕФА Чемпионлар лигаси (Европа чемпионлар кубоги) финалида ғалаба қозонган футболчилар қаторига қўшилди. Бу ҳақда Squawka статистик портали хабар берди.
2026 йилда Руис Франциянинг «ПСЖ» клуби сафида Чемпионлар лигаси финалида «Арсенал»ни мағлуб этиб, бош совринни қўлга киритди. Кейинчалик Испания терма жамоаси билан 2026 йилги жаҳон чемпионати ғолиби ҳам бўлди. У миллий жамоа қайдномасида «ПСЖ»нинг ягона вакили эди.
Жаҳон чемпионати финалида Испания Аргентинани қўшимча вақтда 1:0 ҳисобида мағлуб этди. Фабиан Руис асосий таркибда майдонга тушиб, 62-дақиқада алмаштирилди.
Бунгача футбол тарихида фақат тўққиз нафар футболчи бир мавсумда ҳам Чемпионлар лигаси, ҳам жаҳон чемпионати финалида ғалаба қозонган эди. Улар қуйидагилар:
-
Франц Беккенбауэр;
-
Герд Мюллер;
-
Зепп Майер;
-
Ханс-Георг Шварценбек;
-
Пауль Брайтнер;
-
Ули Хёнесс;
-
Кристиан Карамбё;
-
Рафаэль Варан;
-
Роберто Карлос.
Фабиан Руис ушбу рўйхатга кирган ўнинчи футболчи бўлди ҳамда бу натижага эришган илк испаниялик сифатида миллий рекорд ўрнатди.
