Англия терма жамоаси ҳужумчиси Харри Кейн жаҳон чемпионати – 2026 ярим финалида Аргентинадан учралган мағлубиятдан кейин танқидларга учраган бош мураббий Томас Тухельни ҳимоя қилди.
«Тухель — биз бу ерда эканимизнинг асосий сабабларидан бири, сўнгги 60 йилдаги энг яхши натижага эришганимизнинг асосий сабабларидан бири. Бу дунёдаги энг яхши мураббийлардан бири, аммо ҳатто энг яхшилар ҳам хато қилишади. Бу бизга — ўйинчиларга ҳам тегишли», — дея Кейннинг сўзларини келтиради Bayern & Germany.
Эслатиб ўтамиз, ярим финал учрашувида инглизлар Аргентинага 1:2 ҳисобида имкониятни бой бериб, ўйин охирида кетма-кет иккита гол ўтказиб юборган эди. Бироқ учинчи ўрин учун кечган баҳсда Тухель шогирдлари сермаҳсул қарама-қаршиликда Францияни мағлуб этиб (6:4), бронза медалларини қўлга киритди.
