Златан Ибрагимович Жаҳон чемпионати давомида Fox Sports студиясида ишлади ва турнир боришини шарҳлаб борди. Финалдан сўнг швециялик собиқ футболчи бошқа бундай ишламоқчи эмаслигини шама қилди.
«Охирги бир ярим ой ичида жуда кўп гапирдим, аммо бу менинг охирги сўзларим бўлади. Алекси, Анри, Ребекка – ташаккур. Сиз билан ушбу студияни баҳам кўриш мен учун катта мамнуният бўлди. Сиз ҳамма нарсани мен учун жуда осонлаштирдингиз.
Умид қиламанки, Америка ҳам мен каби бундан завқ олди. Бу менинг студия билан хайрлашувим. Мен учун бу биринчи ва охирги марта бўлди. Ўзингизни эҳтиёт қилинг», — дея Ибрагимовичнинг сўзларини Goal портали келтирмоқда.
ЖЧ-2026 финалида Испания Аргентинани мағлуб этди.
