Лондоннинг «Арсенал» клуби собиқ футболчиси Мартин Киоун жамоанинг трансфер сиёсати ҳақида ўз фикрлари билан ўртоқлашди.

«Ўйлайманки, жамоага ўйинни бошқара оладиган яна бир ярим ҳимоячи керак. Шунингдек, чап қанот вингерини сотиб олиш талаб этилади. Клуб янги ҳужумчи учун ҳам трансфер бозорига чиқишини истисно қилмаган бўлардим.

Аксарият футболчилар «Арсенал»га ўтишни хоҳлайди, лекин энг муҳими — амалдаги таркибдаги муҳим ўйинчилар билан шартномаларни узайтиришга эришишдир», — дея Киоуннинг сўзларини келтиради Англия оммавий ахборот воситалари.

Ўтган мавсумда «канонирлар» 22 йил ичида илк бор Премьер-лигада ғолиб чиқиб, «Манчестер Сити»ни етти очкога ортда қолдирган эди. Чемпионлар лигасида эса Микель Артета шогирдлари финалга қадар етиб бориб, унда «ПСЖ»га имкониятни бой беришганди.