Londonning «Arsenal» klubi sobiq futbolchisi Martin Kioun jamoaning transfer siyosati haqida o‘z fikrlari bilan o‘rtoqlashdi.

«O‘ylaymanki, jamoaga o‘yinni boshqara oladigan yana bir yarim himoyachi kerak. Shuningdek, chap qanot vingerini sotib olish talab etiladi. Klub yangi hujumchi uchun ham transfer bozoriga chiqishini istisno qilmagan bo‘lardim.

Aksariyat futbolchilar «Arsenal»ga o‘tishni xohlaydi, lekin eng muhimi — amaldagi tarkibdagi muhim o‘yinchilar bilan shartnomalarni uzaytirishga erishishdir», — deya Kiounning so‘zlarini keltiradi Angliya ommaviy axborot vositalari.

O‘tgan mavsumda «kanonirlar» 22 yil ichida ilk bor Premyer-ligada g‘olib chiqib, «Manchester Siti»ni yetti ochkoga ortda qoldirgan edi. Chempionlar ligasida esa Mikel Arteta shogirdlari finalga qadar yetib borib, unda «PSJ»ga imkoniyatni boy berishgandi.