Лука Модрич Хорватия терма жамоасидаги охирги ўйинини 6 октябрь куни Сплитда Испанияга қарши ўтказиши мумкин. Бу ҳақда La Gazzetta dello Sport хабар бермоқда.

Нашр маълумотларига кўра, 40 ёшли ярим ҳимоячи ўз қарори ҳақида мураббий Славен Биличга маълум қилиб бўлган. Миллатлар лигасининг октябрь ойидаги цикли якунлангач, Модрич бор эътиборини «Милан»даги иштирокига қаратмоқчи.

Манбанинг таъкидлашича, Модрич фаолиятини юқори кайфиятда якунлашни истайди ва охирги хотиралар «Милан»нинг муваффақиятсизликлари ҳамда Жаҳон чемпионатида Хорватиянинг Португалиядан учраган мағлубияти билан боғлиқ бўлиб қолишини хоҳламайди.

Хорватия терма жамоаси сафида Модрич 202 та ўйин ўтказиб, 29 та гол урган, ЖЧ-2018 кумуш ва ЖЧ-2022 бронза медалларини қўлга киритган. 2018 йилда у «Олтин тўп»ни қўлга киритган ва жаҳон чемпионатининг энг яхши ўйинчиси деб тан олинган эди.