Аргентина терма жамоаси ярим ҳимоячиси Леандро Паредес жаҳон чемпионатида жиддий жароҳат билан ўйнаган.

32 ёшли футболчи мундиалда қовурғасида ёриқ бўлишига қарамай, учта ўйин ўтказган. Журналист Мартин Аревалонинг маълумотларига кўра, жароҳат туфайли ҳатто хавбекнинг нафас олиши ҳам қийинлашган. Рақиблар бу муаммодан хабар топиб, футболчини қасддан майдондан чиқариб юбормаслиги учун жароҳат чемпионат охиригача сир сақланган.

Аргентина терма жамоаси турнир финалига қадар етиб бориб, у ерда минимал ҳисобда Испанияга имкониятни бой берди. Ҳал қилувчи баҳсда Паредес майдонда 75 дақиқа ҳаракат қилди. «Бока Хуниорс» вакили ЖЧ-2026 доирасида жами еттита ўйинда майдонга тушди.