Франция терма жамоасининг собиқ футболчиси Франк Лебёф Жаҳон чемпионати–2026 ярим финалида Аргентинага қарши ўйинда (1:2) Англия терма жамоаси кўрсатган ўйинни танқид қилди.
«Англия бир соат давомида ўйинни назорат қилди. Гол урилганидан кейин ҳам улар ҳужум қилишда давом этиб, жанговор руҳи орқали ғалабани сақлаб қолади, деб ўйлагандим. Аммо жамоа кутилмаганда пассивлашиб кетди. Футболни озгина тушунадиган ҳар қандай одам уларнинг қўрқиб қолганини кўриши мумкин эди.
Аргентинадек жамоага қарши, айниқса Мессидек иқтидорли футболчи бўлса, барибир жазоланасиз. Бу ўйинда Аргентина ғалаба қозонмади, аксинча, Англиянинг ўзи ғалабани бой берди», — деди Лебёф.
Эслатиб ўтамиз, Англия терма жамоаси учинчи ўрин учун кечган баҳсда Францияни 6:4 ҳисобида мағлуб этиб, Жаҳон чемпионатининг бронза медалларини қўлга киритди. Финалда эса Испания Аргентинани қўшимча вақтда 1:0 ҳисобида енгиб, жаҳон чемпионига айланди.
