Ҳужумкор ярим ҳимоячи Алехандро Гарначо «Челси»дан Чемпионлар Лигасида иштирок этадиган клубга ўтади. Журналист Бен Жейкобснинг ижтимоий тармоқларда хабар беришича, Гарначо «Астон Вилла» аъзосига айланиши кутилмоқда.
«Астон Вилла» Гарначони «Челси»дан ижарага олиши кўзда тутилган. Клублар ўртасидаги келишувга футболчини кейинчалик мажбурий сотиб олиш банди киритилади.
Алехандро Гарначо «Челси» таркибида 43 та ўйин ўтказиб, 8 та гол урган ва 4 та голли узатма муаллифига айланган. Нуфузли Transfermarkt портали экспертлари 22 ёшли аргентиналик футболчини 28 миллион еврога баҳоламоқда.
«Челси» 2026/2027 йилги мавсумда еврокубокларда иштирок этмайди, «Астон Вилла» эса Чемпионлар Лигасида Англия шарафини ҳимоя қилади.
