«Манчестер Сити» «Лилль» ярим ҳимоячиси Айюб Буадди билан шартнома имзолашга яқин турибди. Италия ОАВлари берган хабарга кўра, Англия клуби 19 ёшли марокашлик футболчи билан 2031 йилгача мўлжалланган шартнома бўйича принципиал келишувга эришган.
Клублар ҳали трансфер суммасини келишиб олишлари керак. «Лилль» президенти Оливье Летанг футболчи учун 135 миллион евродан ортиқ маблағ олишни режалаштираётганига шама қилди.
«Андерсон «Манчестер Сити»га тахминан 157 миллионга, Тонали эса «Тоттенҳэм»га тахминан 135 миллионга ўтаётганини кўрганимда ва уларда Айюбдаги каби ривожланиш потенциали йўқлигини ҳисобга олсам, ўйинчимиз учун ўз нархим пайдо бўлади», — дея Летангнинг сўзларини келтиради Onefootball.
Ўтган мавсумда Буадди 42 та ўйинда майдонга тушиб, 1 та голли узатмага муаллифлик қилган.
