Франция миллий футбол бошқармасининг Апелляция комиссияси маблағ етишмовчилиги сабабли «Бордо» клубининг мамлакатдаги расмий футбол турнирларидаги иштироки тўхтатилганини тасдиқлади. Бу ҳақда клуб матбуот хизмати X ижтимоий тармоғида хабар бермоқда.
«Бордо» ишни мамлакатнинг энг олий спорт органи бўлмиш Франция Миллий олимпия ва спорт қўмитасига топширганини маълум қилди.
«Клуб ўз келажагини таъминлай оладиган ечимларни ўрганиш ва жорий этиш учун бор имкониятларини сафарбар этди. Сўнгги кунларда клуб лойиҳаси бўйича ишларни давом эттириш мақсадида турли манфаатдор томонлар иштирокида, хусусан, тижорат судида бошланган муҳокамалар доирасида кўплаб амалий қадамлар қўйилди», — дейилади «Бордо» баёнотида.
«Бордо» клуби 1881 йилда ташкил этилган бўлиб, 6 марта Франция чемпиони ва 4 марта мамлакат кубоги соҳиби бўлган. Молиявий муаммолар сабабли 2024 йилдан бери «Бордо» тўртинчи дивизионда иштирок этиб келаётган эди.
