Испания терма жамоаси ва «Манчестер Сити» ярим ҳимоячиси Родри Эрнандес «қироллик клуби» билан узоқ муддатли меҳнат шартномаси имзолаш бўйича келишиб олди. Келишув 2030 йилгача мўлжалланган бўлади. Бу ҳақда инсайдер Николо Скира ижтимоий тармоқлар орқали хабар берди.
«Шаҳарликлар» ўз навбатида ярим ҳимоячини сақлаб қолмоқчи ва унга янги шартнома таклиф қилишган. Бироқ Родри бу таклифга рад жавобини берди. «Реал» испаниялик футболчининг трансфери бўйича Англия клуби билан музокараларни бошлашга тайёргарлик кўрмоқда.
Эрнандес Испания терма жамоаси таркибида ЖЧ-2026 ғолибига айланди. Мундиаль якунларига кўра, ярим ҳимоячи турнирнинг энг яхши футболчиси деб топилди.
