«Челси»нинг аргентиналик вингери Алехандро Гарначо АПЛнинг бошқа бир клуби — Бирмингемнинг «Астон Вилла» жамоаси қизиқишлари доирасида бўлиб турибди. Инсайдер Бен Жейкобс ижтимоий тармоқлар орқали эҳтимолий битимнинг молиявий тафсилотлари ҳақида сўзлаб берди.

«Шерлар» Гарначони сотиб олиш ҳуқуқи билан ижарага олишади. Толиқ трансфер амалга ошган тақдирда, «Астон Вилла» аргентиналик футболчи учун тахминан 50 миллион евро тўлайди.

Англия Премьер-лигасининг ўтган мавсумида Алехандро «аристократлар» сафида 24 та ўйинда майдонга тушди. 22 ёшли аргентиналик ўз ҳисобига 1 та гол ва 4 та голли узатма ёзиб қўйган. Шунингдек, у 2 маротаба сариқ карточка билан жазоланган.