Лондоннинг «Челси» клуби дарвозабони Габриэль Слонина ёзги трансфер ойнасида клубини ўзгартириши мумкин. Бу ҳақда Lequipe журналистлари хабар бермоқда.

Манба маълумотларига кўра, футболчида Франция чемпионатига кўчиб ўтиш варианти мавжуд. Америкалик дарвозабонни ўз сафига қўшиб олишга «Страсбург» қизиқиш билдирмоқда. Жамоа устози Угу Оливейра Слонина билан шартнома имзолашдан шахсан манфаатдор.

Габриэль «аристократлар» билан 2028 йилгача мўлжалланган шартнома алоқаларига эга. Футболчининг бозор қиймати 3 миллион еврога баҳоланмоқда.

Ўтган мавсумда дарвозабон «Челси» ёшлар жамоаси сафида 3 та ўйинда майдонга тушиб, ўз дарвозасидан 4 та тўп ўтказиб юборди.