«Барселона» Дортмунднинг «Боруссия» клуби вингери Карим Адейеми билан шартнома имзоланганини тез орада эълон қилади.

24 ёшли футболчи бугун «кўк-анорранглилар»нинг янги ўйинчиси сифатида таништирилади, бу ҳақда клуб президенти Жоан Лапорта маълум қилди. Инсайдер Фабрицио Романонинг маълумотларига кўра, футболчининг ўзи айнан «Барселона»га ўтишни қатъий талаб қилган.

«Мен Англияга боришни хоҳламайман, мени бошқа клублар ҳам, «Боруссия» билан янги шартнома ҳам қизиқтирмайди. Менинг орзум — «Барса». «Барса»га ўтишимни ҳал қил», — дея Адейемининг агенти Жорже Мендешга айтган сўзларини келтиради инсайдер.

Германиялик футболчи «арилар» сафида жами 146 та ўйин ўтказиб, ўз ҳисобига 36 та гол ва 25 та голли узатма ёзиб қўйган.