«Милан» ҳужумчиси Рафаэл Леау «Галатасарой» ва «Фенербахче»нинг трансфер нишонлари орасида қолмоқда.

Инсайдер Жанлуиджи Лонгарининг хабар беришича, Туркиянинг ҳар иккала клуби ҳам 27 ёшли футболчига йилига тахминан 10 миллион евро маош тўлашга тайёр. «Галатасарой» футболчини кейинчалик сотиб олиш ҳуқуқи билан ижарага олиш вариантини маъқул кўраётган бўлса, «Фенербахче» тўғридан-тўғри пўл тўлаб трансферни амалга оширишга тайёр.

Таниқли Transfermarkt порталида Рафаэл Леаунинг тахминий қиймати 50 миллион еврога баҳоланмоқда. Ўтган мавсумда португалиялик футболчи «россонерилар» сафида 31 та ўйинда майдонга тушиб, ўз ҳисобига 10 та гол ва 3 та голли узатма ёзиб қўйди.