«РБ Лейпциг»нинг ивуарлик вингери Ян Диоманде Англия Премьер-лигаси топ-клубида фаолиятини давом эттириш вариантига эга бўлиб турибди. Бу ҳақда инсайдер Бен Джейкобснинг ижтимоий тармоқларида хабар берилди.

19 ёшли африкалик футболчини ўз сафига қўшиб олишга Лондоннинг «Арсенал» клуби қизиқиш билдирмоқда. «Тўпчилар» Диоманде трансфери бўйича дастлабки сўровни юборишди.

Аввалроқ матбуотда ивуарлик футболчига Франциянинг «ПСЖ» клуби томонидан ҳам қизиқиш борлиги ҳақида хабар берилган эди.

Transfermarkt портали Диоманденинг бозор қийматини 90 миллион еврога баҳоламоқда. Унинг «буқалар» билан амалдаги шартномаси 2030 йилнинг ўрталаригача мўлжалланган.

Ўтган мавсумда Ян 36 та баҳсда иштирок этиб, ўз ҳисобига 13 та гол ва 9 та ассист ёздириб қўйди.