Аргентина футбол ассоциацияси (AFA) президенти Клаудио Тапиа Аргентина терма жамоаси мухлисларига мурожаат қилди.

Миллий терма жамоа ЖЧ-2026 финалида Испанияга (0:1) имкониятни бой бериб қўйди.

«Биз Испанияни енга олмадик. Улар кучлироқ эди, ҳалол ғалаба қозонишди ва биз буни тан олишимиз керак. Спортда биз ғалабаларни қандай шараф билан нишонласак, мағлубиятни ҳам шундай қабул қилишни ўрганамиз.

Ҳа, биз финалда ютқаздик. Лекин ушбу жамоа яқиндагина мамлакатимизга чексиз қувонч улашгани ҳам ҳақиқат. Аргентина аввалги [Англияга қарши] ўйиндаги ғалабани байрам қилди, чунки бу жамоа яна бир бор халқимиз учун нақадар қадрли эканини исботлади.

Мағлубият алам қилади. Бу жуда оғриқли, чунки биз курашувчанмиз, тарихдаги энг муваффақиятли жамоамиз ва иккинчи ўрин биз учун ҳеч қачон етарли бўлмаган. Бу оғриқли, чунки биз охиригача курашишга одатланганмиз ва олдинга ҳаракат қилишда давом этамиз», — деб ёзди Тапиа ўзининг ижтимоий тармоқдаги саҳифасида.