«Арсенал»нинг янги ярим ҳимоячиси Христос Цолис клуб билан шартнома имзолагани ҳақида ўз фикрлари билан ўртоқлашди. Бунгача у Бельгиянинг «Брюгге» жамоаси шарафини ҳимоя қилаётган эди.

«Менимча, буни тўлиқ англаб етишим учун бироз вақт керак бўлади! Англия чемпионидек буюк клуб билан шартнома тузиш — шунчаки ақлбовар қилмас туйғу. Кейинги мавсумда ушбу жамоанинг бир қисми бўлишимдан жуда фахрланаман. Агентим бу трансфернинг имкони борлигини айтганидаёқ ҳаяжонга тушгандим. Кейин ҳаммаси жиддийлашди ва мана, мен шу ердаман.

Микель Артета билан жуда ёқимли суҳбат қурдик. У бир соатча давом этди. Биз ҳамма нарса ҳақида гаплашдик: клуб, мен, унинг режалари ва албатта, жамоа ҳақида. Бари фақат ижобий руҳда кечди», — дейди Цолис клуб расмий сайтига берган интервьюсида.