«Arsenal»ning yangi yarim himoyachisi Xristos Solis klub bilan shartnoma imzolagani haqida o‘z fikrlari bilan o‘rtoqlashdi. Bungacha u Belgiyaning «Bryugge» jamoasi sharafini himoya qilayotgan edi.
«Menimcha, buni to‘liq anglab yetishim uchun biroz vaqt kerak bo‘ladi! Angliya chempionidek buyuk klub bilan shartnoma tuzish — shunchaki aqlbovar qilmas tuyg‘u. Keyingi mavsumda ushbu jamoaning bir qismi bo‘lishimdan juda faxrlanaman. Agentim bu transferning imkoni borligini aytganidayoq hayajonga tushgandim. Keyin hammasi jiddiylashdi va mana, men shu yerdaman.
Mikel Arteta bilan juda yoqimli suhbat qurdik. U bir soatcha davom etdi. Biz hamma narsa haqida gaplashdik: klub, men, uning rejalari va albatta, jamoa haqida. Bari faqat ijobiy ruhda kechdi», — deydi Solis klub rasmiy saytiga bergan intervyusida.
