«Барселона» ўз расмий сайтида ярим ҳимоячи Френки де Йонгнинг тиббий кўрик хулосаларини эълон қилди. 29 ёшли нидерландиялик футболчининг ўнг тиззасидаги ички ён боғламлари узилгани аниқланди.
«Кўк-анорранглилар» де Йонгнинг сафга қайтиш муддати борасида аниқ маълумот беришмаган ва бу тикланиш жараёнининг динамикасига боғлиқ бўлишини таъкидлашган. Френки даволанишни шифокорлар назорати остида давом эттиради.
Олдинроқ оммавий ахборот воситаларида Френки де Йонг жамоа бош мураббийи Ҳанс-Дитер Флик билан муносабатларидаги муаммолар фонида «Барселона»ни тарк этиши мумкинлиги ҳақида хабарлар тарқалган эди.
