Ярим ҳимоячи Лука Модрич «Милан»да ўйнашда давом этади. «Россонерилар» ўз расмий сайтида 40 ёшли хорватиялик футболчи билан шартнома узайтирилганини маълум қилди.

Модрич 2027 йилнинг ўрталаригача мўлжалланган меҳнат шартномасига имзо чекди. Лука «Милан»да 14-рақам остида тўп суришни давом эттиради.

Лука Модрич «Реал»даги 13 мавсумдан сўнг ўтган ёзда «Милан» сафига келиб қўшилган эди. Хорватиялик ярим ҳимоячи А Серия клуби таркибида 37 та расмий ўйинда майдонга тушиб, ўз ҳисобига 2 та гол ва 3 та голли узатма ёздириб қўйди.

«Милан» ўтган мавсумда А Серияда бешинчи ўринни эгаллаб, Европа Лигасига йўлланмани қўлга киритди.