Жаҳон чемпионатлари тарихидаги энг яхши тўпурар Килиан Мбаппе янги EA FC 27 футбол симуляторининг муқовасида пайдо бўлади.

Бундан ташқари, ўйиндаги янгиликлардан бири дронлар бўлиб, пак очилган вақтда уларнинг камераси орқали тушган ўйинчининг тақдимоти экранда кўрсатилади. Дронлар футболчининг позицияси, клуби ва мамлакатини намойиш этади.

Очиқ дунёга эга янги The Grounds режимида ўз аватарингизни яратишингиз, мини-ўйинлар ўйнашингиз ва турли синовларни бажаришингиз мумкин. Трейлер сўнггида EA компанияси ўйинга Алекс Хантер қайтганини эълон қилди.

Эслатиб ўтамиз, Мбаппе АҚШда якунланган Жаҳон чемпионатининг энг яхши тўпурарига айланди, шунингдек, турнир тарихидаги энг яхши мерганлар рўйхатида биринчи ўринга кўтарилиб олди.