Украина терма жамоаси ва Лиссабоннинг «Бенфика» клуби дарвозабони Анатолий Трубин жамоанинг дарвозабонлар чизиғини кучайтиришни режалаштираётган Туриннинг «Ювентус» клуби манфаатлари доирасида бўлиб турибди.
Инсайдер Николо Скира ижтимоий тармоқларда хабар беришича, «кекса сеньора» украиналик посбон бўйича маълумот сўраган. Шунингдек, Италия топ-клубининг эътибор марказида Дзион Судзуки («Парма») ва Эмилиано Мартинес («Астон Вилла») ҳам бор. Аргентиналик посбон «Ювентус»нинг дарвозабон позицияси учун асосий нишони деб ҳисобланмоқда.
Трубин 2023 йилнинг ёзидан бери «Бенфика»да ўйнаб келмоқда, унинг амалдаги шартномаси 2028 йилнинг ўрталаригача мўлжалланган. Анатолийнинг бозор қиймати 25 миллион еврони ташкил этади.
