Германия миллий терма жамоасининг янги бош мураббийи этиб Юрген Клопп тайинланди.

59 ёшли немис мутахассиси билан 2030 йил июль ойига қадар амал қиладиган шартнома имзоланди.

Клоппнинг мураббийлар штабига унинг кўп йиллик ёрдамчилари Петер Кравиц ва Пепейн Лейндерс, шунингдек, Свен Бендер ҳам киритилди.

Клоппнинг бош мураббий сифатидаги сўнгги иш жойи 2015–2024 йилларда бошқарган «Ливерпуль» клуби бўлган.

У 2025 йил январидан 2026 йил июлига қадар Red Bull компаниясининг глобал футбол йўналиши раҳбари лавозимида фаолият юритди.

2026 йилги жаҳон чемпионатида Германия терма жамоаси 1/16 финалда Парагвайга пенальтилар сериясида мағлуб бўлиб, мусобақани тарк этган эди. Шундан сўнг Юлиан Нагельсманн миллий жамоа бош мураббийлиги лавозимини тарк этди.