Германия терма жамоасининг янги бош мураббийи Юрген Клопп жамоага қандай ўйин услубини сингдирмоқчи экани ҳақида гапириб берди.
«Футболчиларда ўзлари кутмаган янги имкониятлар пайдо бўлади, чунки мен жасур бўлишни яхши кўраман. Мен учун ҳаммага манзур келадиган футбол ўйнашни истайдиган йигитлар билан ишлаш муҳим. Бу ҳар доим ҳам зудлик билан муваффақият келтирмаслиги мумкин, аммо мен миллий терма жамоа билан шундай натижаларга эришмоқчиманки, одамлар уйга қайтишда: «Вау, бу ҳақиқатан ҳам жуда ажойиб бўлди», деб ўйлашсин.
Бунинг учун бир нечта нарса талаб этилади. Терма жамоада ўйнаш ҳуқуқини қўлга киритган ҳар бир футболчи майдонда бор кучини бериши керак. Мен буни кузатиб бораман. Ҳозирда биз ҳеч кимнинг устидан чизиқ тортмаймиз, бу — янги бошланиш», — деди Клопп янги лавозимидаги илк матбуот анжуманида.
