Англиялик футболчи «Милан» билан шартномаси тугагунига қадар клубда қолишни ва муддат якунлангач, эркин агент сифатида кетмоқчи.

Бу ҳолат, табиийки, «Милан» раҳбариятини қониқтирмайди — клуб футболчини сотиб, муайян маблағ ишлаб олишни режалаштирган эди. Энди эса уни захира ўриндиғига ўтказиб, «ҳеч нарса қилмай ўтиришини» бечораҳол кузатишга мажбур бўлиши мумкин.

Лофтус-Чик 2023 йилдан бери «Милан» шарафини ҳимоя қилиб келмоқда. Шу вақтгача у «россонери» либосида барча мусобақаларни инобатга олганда роппа-роса 100 та ўйинда майдонга тушган.