Венгриялик голкипер Петер Гулачи Германиянинг "РБ Лейпциг" клубини тарк этишга ва Испания Ла Лигасига кўчиб ўтишга яқин турибди. Бу ҳақда нуфузли инсайдер Фабрицио Романо ижтимоий тармоқлардаги саҳифасида хабар берди.
Манбанинг маълумотига кўра, 36 ёшли дарвозабонни ўз сафига қўшиб олишга "Вильярреал" қизиқиш билдирмоқда. Томонлар фаол музокаралар олиб бормоқда. Гулачининг шахсий шартномаси шартлари деярли келишиб олинган, эндиликда фақат клублар ўртасидаги келишувни кутиш қолди.
Петер 2015 йилдан бери Германия жамоаси шарафини ҳимоя қилиб келмоқда. У "бўрилар" сафида 362 та учрашув ўтказиб, уларнинг 112 тасида ўз дарвозаси дахлсизлигини сақлаб қолган.
Венгриялик футболчининг бозор қиймати бир миллион еврони ташкил этади, унинг амалдаги шартномаси эса 2027 йилнинг июнь ойи охирида якунига етади.
