Vengriyalik golkiper Peter Gulachi Germaniyaning "RB Leypsig" klubini tark etishga va Ispaniya La Ligasiga ko‘chib o‘tishga yaqin turibdi. Bu haqda nufuzli insayder Fabrisio Romano ijtimoiy tarmoqlardagi sahifasida xabar berdi.
Manbaning ma’lumotiga ko‘ra, 36 yoshli darvozabonni o‘z safiga qo‘shib olishga "Vilyarreal" qiziqish bildirmoqda. Tomonlar faol muzokaralar olib bormoqda. Gulachining shaxsiy shartnomasi shartlari deyarli kelishib olingan, endilikda faqat klublar o‘rtasidagi kelishuvni kutish qoldi.
Peter 2015 yildan beri Germaniya jamoasi sharafini himoya qilib kelmoqda. U "bo‘rilar" safida 362 ta uchrashuv o‘tkazib, ularning 112 tasida o‘z darvozasi daxlsizligini saqlab qolgan.
Vengriyalik futbolchining bozor qiymati bir million yevroni tashkil etadi, uning amaldagi shartnomasi esa 2027 yilning iyun oyi oxirida yakuniga yetadi.
