Бразилиянинг «Фламенго» клуби Санкт-Петербургнинг «Зенит» жамоаси ҳужумчиси Луис Энрикени ўз сафига қўшиб олишга ҳаракат қилди, аммо рад жавобини олди. «Қизил-қоралар» футболчини сотиб олиш ҳуқуқи билан бир мавсумга ижарага олмоқчи эди.

RTI Esporte хабарига кўра, «кўк-оқ-ҳаворанглилар»га таклиф қилинган шартлар маъқул келмаган. Россия чемпиони Энрикенинг фақат тўлиқ трансферини 40 миллион евро эвазига кўриб чиқишга тайёр. «Фламенго» эса Бразилия терма жамоаси аъзосининг трансфери учун кўпи билан 20 миллион евро ажратишга рози.

Россия Премьер-лигасининг ўтган мавсумида 25 ёшли ҳужумчи 28 та ўйинда майдонга тушди. Луис ўз ҳисобига 6 та гол ва 3 та голли узатмани ёздириб қўйди.