«Ювентус» ёзги трансфер ойнасида дарвозабон позициясини кучайтиришни режалаштирмоқда. Foot Mercato маълумотларига кўра, Турин клуби қизиқиш билдираётган голкиперлар орасида «ПСЖ» аъзоси Люка Шевалье ҳам бор.
Маълумки, Люка Шевалье «ПСЖ»даги илк мавсумини мураккаб ўтказди. Шевалье мавсумни асосий дарвозабон сифатида бошлаган эди, бироқ қишда россиялик Матвей Сафоновга рақобатда имкониятни бой бериб қўйди.
Бир неча ҳафта олдин матбуотда Шевальенинг «ПСЖ»да асосий дарвозабон мақомини Сафоновдан қайтариб олиш истаги борлиги ҳақида хабарлар пайдо бўлган эди.
Нуфузли Transfermarkt портали мутахассислари 24 ёшли Люка Шевальенинг трансфер қийматини 25 миллион еврога баҳолашмоқда.
