«Ливерпуль» Нэшвиллдаги «GEODIS Park» стадионида ўтказилган мавсумолди илк ўртоқлик учрашувида «Сандерленд» устидан 4:2 ҳисобида ғалаба қозониб, Андони Ираола даврини муваффақиятли бошлади.
Клуб академияси юлдузи Киран Моррисон ҳисобни очган бўлса, Энцо Ле Фе «қора мушуклар»нинг жавоб голига муаллифлик қилди.
Иккинчи бўлим бошида Тимур Тутеров «Сэндерленд»ни олдинга олиб чиқди, аммо «Ливерпуль» бунга муносиб жавоб қайтарди.
Доминик Собослаи бaҳсда мувозанатни тиклaди, Федерико Кьеза мерсисайдликларни яна олдинга олиб чиқди, ўйин якунида эса Льюис Кумас якуний ҳисобни ўрнатди ва Ираолага жамоа бошқарувидаги илк ўйинида ғалаба тақдим этди.
