«Манчестер Юнайтед» ва «Рома» клублари «Брюгге» ҳужумчиси Николо Трезольдига қизиқиш билдирмоқда. Бу ҳақда HLN нашри хабар бермоқда.

Манбага кўра, Италия клуби 21 ёшли форварднинг трансфери учун 35 миллион евро таклиф қилган, аммо «Брюгге» уни қўйиб юбориш вариантини кўриб чиқмаяпти. Шунга қарамай, агар «Манчестер Юнайтед» трансферга «жиддий киришса», вазият ўзгариши мумкин.

Ўтган мавсумда Трезольди барча турнирларда 58 та ўйинда майдонга тушиб, 23 та гол урди ва 9 та голли узатмага муаллифлик қилди. Футболчининг клуб билан амалдаги шартномаси 2029 йилнинг ёзигача мўлжалланган. «Transfermarkt» порталидаги маълумотларга кўра, унинг бозор қиймати 25 миллион еврони ташкил этади.