Бразилиялик яримҳимоячи Каземиро 25 июльдан 26 июльга ўтар кечаси МЛСнинг «Монреаль» жамоасига қарши кечган ўйинида «Интер Майами» клуби сафида дебют қилди. Майами клуби Бразилия терма жамоаси хавбеки билан шартнома имзоланганини 22 июль куни расман эълон қилган эди.
Каземиро асосий таркибда майдонга тушиб, тўлиқ ўйин ўтказди, аммо голли ҳаракатлар билан ажралиб тура олмади. Учрашув «Интер Майами»нинг ғалабаси билан якунланди: ўйиндаги ягона голни 81-дақиқада Луис Суарес пенальтини аниқ амалга ошириб киритди.
Олдинроқ «Манчестер Юнайтед» Каземиронинг клубни тарк этганини тасдиқлаган эди. У 2025/2026 йилги мавсумда Англия Премьер-лигасининг 34 та ўйинида майдонга тушиб, 9 та гол урди ва 2 та голли узатмага муаллифлик қилди.
«Манчестер Юнайтед»га қадар Каземиро «Сан-Паулу» (2010–2013), «Реал Мадрид» (2013–2022) ва «Порту» (2014–2015) клубларида тўп сурган.
